تقول السيدة في تفاصيل دعواها أمام محكمة الأسرة: «تعرفت عليه صدفة في فرح أحد الأقارب، تبادلنا الأحاديث القصيرة، ثم تقدم لخطبتي بعد أسابيع قليلة، لم تستمر الخطوبة طويلًا، وتزوجنا في حفل بسيط حضره الأهل والجيران، كنت أظن أن حياتنا ستسير بهدوء، لكن عاداته الغريبة بدأت في الظهور منذ الأيام الأولى للزواج».

 

وأضافت: «الحياة معاه شبه معسكر، كل حاجة ليها نظام وقواعد، وأنا لازم أنفذها بالحرف، حتى المطبخ كان له جدول استعمال، والثلاجة مقفولة بمفتاح في جيبه طول النهار، لو احتجت أعمل أكل لابني الوحيد ذي الثلاث سنوات، أضطر أستنى لحد ما يرجع، مرة اضطرينا نأكل عيش وجبنة طول اليوم لأن اللبن والخضار كانوا محبوسين جوه، حاولت أشرحله إن ده مش أسلوب معيشة، لكنه كان يقول هو دا نظامي ومش هغيره، لحد ما وصلت لمرحلة حسيت فيها إني محبوسة في بيتي».

وتابعت: «معاملته كانت دايمًا باردة وجافة، مفيش كلمة طيبة ولا لحظة حنان، كل كلامه أوامر ونواهي، ولو اعترضت يرد بأسلوب فيه تهكم أو سخرية، كان بيحاسبني على كل جنيه في البيت، وكأني موظفة عنده مش زوجة، حتى قدام الناس، كان يتكلم معايا بطريقة تقلل مني، وأنا ساكتة عشان أحتفظ ببيتي، لكن السكوت طول السنين حول حياتي لجدار من الصمت والكسرة».

 

بينما جاء رد الزوج: «أنا برجع من الشغل ألاقي الأكل خلص، وهي بتوزع على الجيران من ورايا، أنا مش بقفل علشان أذلها، القفل عشان أحافظ على مصاريف البيت».

 

وقررت المحكمة تأجيل الدعوى لجلسة لاحقة، لبيان ما إذا كان هناك أمل في الصلح أو استكمال إجراءات الدعوى.

 

ما هي الأسباب النفسية وراء دعاوى الطلاق بمحكمة الأسرة؟

ما هو تأثير المشاكل المالية على العلاقات الزوجية ودعاوى الطلاق؟

كيف يؤثر عدم الإنجاب على العلاقات الزوجية ودعاوى الطلاق؟

كيف يؤثر تدخل الأهل على دعاوى الطلاق بالحياة الزوجية؟

ما هي تأثيرات الخيانة الزوجية على دعاوى الطلاق بمحكمة الأسرة؟